കുഞ്ഞുകവിതകൾ - 21

Blog Post No: 243 -

കുഞ്ഞുകവിതകൾ - 21

''വല്ലാത്തൊരു മാരണ''മെന്നിടക്കെപ്പോഴും ചൊല്ലുന്നതുണ്ടു നാം

മരണമൊരു ''മാരണം''കൊണ്ടാവരുതെന്നുമിശ്ചിക്കുന്നു!

മരണത്തെത്തന്നെ ഭയത്തോടെ കാണുന്ന നാം

മരണം ദാരുണമാകാനാഗ്രഹിക്കുകില്ലെന്നത് സത്യം 

---

''സ്നേഹമാണഖിലസാരമൂഴിയി''ലെന്നു പാടി കവി

സ്നേഹിക്കണം, സ്നേഹിക്കപ്പെടേണമെല്ലാവരും 

സ്നേഹത്തിനു പ്രതിഫലേശ്ച പാടില്ലെന്നുമോർക്കുക    

സ്നേഹമർഹമാണെങ്കിലത് കിട്ടുമെന്നതുറപ്പാണല്ലോ

---

ഉഷ, സന്ധ്യ, രജനിമാരെന്നും

സൌഹൃദത്തിലീ ക്ഷോണിയിൽ

ഈ സൗഹൃദം കണ്ടു പഠിക്കണ-

മിവിടെയെല്ലാരുമാണ്‍-പെണ്‍ ഭേദമെന്യേ

---

സമ്മാനം കിട്ടി സന്തോഷിച്ചയവൾ

സമ്മാനിച്ചയാളെ സ്നേഹിച്ചു

സമ്മാനിച്ചയാൾക്കോ സ്നേഹമല്ല  

സന്തോഷിപ്പിക്കാനായിരുന്നെന്നു മാത്രം