കുഞ്ഞുകവിതകൾ - 18

Blog Post No: 240 -

കുഞ്ഞുകവിതകൾ - 18

മനുഷ്യൻ

മനുജൻ എന്നാൽ

മന്ദഹസിക്കുന്നവൻ

നുണ പറയാത്തവൻ 

ജാടയില്ലാത്തവൻ 

നല്ലവൻ  എന്നൊക്കെയാണോ?

ഇതൊന്നുമല്ലാത്തവൻ എന്നാണോ?

അതോ ഈ രണ്ടു വിധത്തിലും ഉള്ളവർ?

അതെ, അങ്ങനെയാണ് കാണുന്നത്.

മയൂരനൃത്തം

അവൻ പീലി വിടർത്തിയാടി

അവൾ സന്തോഷിക്കുന്നില്ല

അതാ ഒരു മനുഷ്യൻ

അയാളുടെ ഛായാഗ്രാഹിയിൽ

അവന്റെ മയൂരനൃത്തം 

അങ്ങനെതന്നെ പകർത്തുന്നു!

അവനു തോന്നി -

അതെങ്കിലും നടക്കട്ടെ.

ആഹാരം....

ആഹാരം, വസ്ത്രം, പാർപ്പിടം....

ആവശ്യങ്ങളങ്ങനെ തുടങ്ങുന്നു;

ആഹാരം, അമ്മയുള്ളേടത്തോളം കാലം

ആവോളം സ്നേഹത്തിൽ പൊതിഞ്ഞുതന്നു!

അതിൻസ്വാദെന്നുമെന്നുമെന്നുമോർക്കുന്നു ഈയുള്ളവൻ.

ആഹാരമെന്നും തരുന്നൂ എൻ സഹധർമ്മിണി 

അതുമമ്മയുടേതിൻപോൽ സ്വാദിഷ്ടമായ്ത്തന്നെ! 

അതിൽതൊട്ടു ഞാൻ കണക്കാക്കുന്നു -

അതിഭാഗ്യവാൻ ഞാൻ തന്നെയെന്ന്.