കുഞ്ഞുകവിതകൾ - 20

Blog Post No: 242 -

കുഞ്ഞുകവിതകൾ - 20

Hyku Poems

തിര ഓടിപ്പോകുന്നു തീരത്തിനടുത്തേക്ക്

തീരം ഒരിക്കലും തിരക്കടുത്തേക്ക് ഓടുന്നില്ല

തിരയും തീരവും അന്നുമിന്നുമെന്നുമിങ്ങനെ!

+++

തല്ലിക്കോളൂ 
ഇല്ലെങ്കിൽ ചീത്തവാക്കെങ്കിലും 
കൊല്ലുന്നു ഈ മൌനം

+++

വസ്ത്രം ശുഭ്രം, കേശം ശുഭ്രം

മന്ദഹാസം അതിശുഭ്രം

മനസ്സുമാത്രം ആശുദ്ധമയം

+++

പുഴ പറഞ്ഞു, ഞാൻ വരുന്നു

സമുദ്രം പറഞ്ഞു, ഞാൻ കാത്തിരിക്കുന്നു

പുഴയും സമുദ്രവും മനസ്സിൽ പറഞ്ഞു, വേറെ വഴിയില്ലല്ലോ

***

ഒരു കുന്നിനു, ഒരു കുഴി

ഒരു സന്തോഷത്തിനു, ഒരു ദു:ഖം

ഒരു ജനനത്തിനു ഒരു മരണം

+++

മണലിനെ പുൽകിയ പുഴവെള്ളം

ഒഴുകിയൊഴുകി കടലിൽ ചേർന്നു  

പാവം മണലോ, മനുഷ്യന് സ്വന്തം!