കുഞ്ഞുകവിതകൾ - 23

Blog Post No: 246 -

കുഞ്ഞുകവിതകൾ - 23

Haiku 

ഒരു ഹൈക്കുകവിയുപദേശിക്കുന്നു

എഴുതണം മനസ്സിലാവാത്തവണ്ണം 

അവിടെയാണ് കവിയുടെ വിജയമെന്നും!?   

+++

എന്റെ ചിന്തകൾ കുറെയൊക്കെ

ദിനസരിക്കുറിപ്പുകളാക്കുന്നു എനിക്കുവേണ്ടി

താൽപ്പര്യമെങ്കിൽ മറ്റുള്ളവർക്കും വായിക്കാൻ

+++

പൂവെന്തു മൃദുലം,

മനോഹരം, സുഗന്ധവാഹിനി

പൂവിന്റെ ജന്മത്തിനാശ തോന്നി അവൾക്ക്

+++

പ്രസാദം ഭുജിച്ചപ്പോൾ 

പ്രസാദം മുഖത്ത് 

പ്രസാദിച്ചതാണോ ദേവി?  

+++

മനസ്സ് മനസ്സിലുടക്കുന്നു

മനംപോലെ മംഗല്യമെങ്കിൽ

മനസ്സ് മാറുന്നു അതല്ല എങ്കിൽ  

+++

പച്ചിലപ്പടർപ്പുകൾ

പച്ചപ്പനന്തത്തകൾ

അന്വര്ത്ഥമാകുന്നു പച്ചവർണ്ണം