കുഞ്ഞുകവിതകൾ - 22

Blog Post No: 244 -

കുഞ്ഞുകവിതകൾ - 22

കുഞ്ഞു ഗദ്യകവിതകൾ

പ്രകൃതം

പ്രപഞ്ചവും പഞ്ചഭൂതങ്ങളടങ്ങുന്ന

പ്രകൃതിയുമെല്ലാം നിത്യസത്യ,മെന്നാൽ

പ്രകൃതിയിലെ മനുഷ്യന്റെ ''പ്രകൃതം''?

+++

മനുഷ്യൻ

മനുഷ്യൻ നിറം മാറുന്നു

ഓന്തും നിറം മാറുന്നു

പഠിച്ചത് മനുഷ്യൻ ഓന്തിൽനിന്നോ, മറിച്ചോ?

+++

സമ്പത്ത്

അമ്മയും അച്ഛനും പറയുന്നു, മക്കളേ നിങ്ങളാണ് ഞങ്ങളുടെ സമ്പത്ത്.

ഗുരു പറയുന്നു, ശിഷ്യരേ നിങ്ങളാണ് എന്റെ സമ്പത്ത്.

ദൈവം മനസ്സിൽ പറയുന്നു, നിങ്ങളെല്ലാം എന്റെ സൃഷ്ടി, എന്റെ സമ്പത്ത്.  

+++

ഗുരു, ശിഷ്യൻ

ഗുരു ഉപദേശിച്ചു -

ദിവസം അര മണിക്കൂർ ധ്യാനത്തിലിരുന്നാൽ

ജീവിതത്തിന്റെ ദൈർഘ്യം

അര ദിവസം എങ്കിലും  നീട്ടിക്കിട്ടും.

ശിഷ്യൻ പറഞ്ഞു -

ഗുരോ, എനിക്കൊരു അടുത്ത ബന്ധുവുണ്ട്;

അയാളോട് അര നിമിഷം സംസാരിച്ചാൽ

ജീവിതത്തിന്റെ ദൈർഘ്യം ഒരു ദിവസം കുറയും

എന്ന് ഞാൻ  ബലമായി വിശ്വസിക്കുന്നു.