കുഞ്ഞുകവിതകൾ - 17

Blog Post No: 239 -

കുഞ്ഞുകവിതകൾ - 17

Haiku

ചിന്തകൾ പലത്

പ്രവർത്തികൾ പലത്

ഉദ്ദേശ്യമൊന്ന്

+++

വിഷത്തിനു മരുന്ന് വിഷം

സ്നേഹമില്ലായ്മക്ക് സ്നേഹം

വെട്ടാൻ വരുന്ന പോത്തിനോ?

+++

ചീറിപ്പാഞ്ഞു പോയി ഒരു ശകടം

വഴിയരികിൽ നിന്ന മനുഷ്യൻ പിറുപിറുത്തു,

അവന്റമ്മക്ക് വായുഗുളിക വാങ്ങാനുള്ള പോക്ക്

+++

മഴ മാറി

മാനം തെളിഞ്ഞു

മഹിളാമണിയുടെ മനവും

+++

വളർത്തുമൃഗമെന്ന  മിണ്ടാപ്രാണി  മരിക്കുന്നു

വാ തോരാതെ സംസാരിക്കുന്ന  സ്വാർത്ഥനായ മനുഷ്യനും

വളർത്തുമൃഗത്തിന്റെ വേർപാട് സഹിക്കില്ല!  

+++

ക്ഷമയില്ലാതെ പറയുമ്പോളോർക്കില്ല

കോപം കൊണ്ട് വിറക്കുമ്പോളോർക്കില്ല

ജീവിതംതന്നെയത് മുരടിപ്പിക്കുമെന്ന്