കുഞ്ഞുകവിതകൾ - 13

Blog post No: 234 -

കുഞ്ഞുകവിതകൾ - 13

പൂന്തേൻ

പൂവിനോട് മന്ത്രിച്ചു പൂമ്പാറ്റ 
പൂന്തേൻ തരാമോ പൂവേ എനിക്ക് 
പൂവുടൻ ചൊല്ലി മന്ദഹാസത്തോടെ

പൂമ്പാറ്റേ, ഞാൻതന്നെ നിന്റേതല്ലേ?

+++

അതിബുദ്ധി

അറിയാനായ് മാത്രം ചോദിക്കുകിൽ

അതിബുദ്ധിയുള്ളോർ ചിലരൊക്കെ

അറിവുണ്ടെകിലും ചോദിക്കുന്നു

അതിനുത്തരമായൊരു മറുചോദ്യം!

+++

താമരയും ആമ്പലും

താമര വിടരുന്നു,

ആമ്പൽ കൂമ്പുന്നു;

ആമ്പൽ വിടരുന്നു,

താമര കൂമ്പുന്നു.

സൂന സുന്ദരികളേ

സൂര്യചന്ദ്രന്മാർതൻ  

പ്രിയതമമാർ നിങ്ങ-

ളെന്നു വർണ്ണിച്ച കവിയെ

ഞാനിതാ നമിക്കുന്നു.