കണ്ടതും കേട്ടതും - 2

Blog Post No: 208 -

കണ്ടതും കേട്ടതും - 2 

''മാഷേ, ബിപി ഉണ്ടോ?''

സുഹൃത്ത് സാന്ദർഭികമായി ചോദിച്ചു.

മറുപടി പറയുന്നതിനു മുമ്പുതന്നെ അതാ അടുത്ത ചോദ്യം.

''അതോ ബിജെപിയോ?''

 ''ബിപി ഇല്ല.  ഒരു രാഷ്ട്രീയ പാർട്ടിയോടും ചായ്‌വും ഇല്ല.''

''ഹാ ഹാ. എന്താ ചോദിച്ചത്?  മാഷ്‌ എന്താ പറഞ്ഞത്?  ഞാൻ ചോദിച്ചതേ -

ബിപി ഉണ്ടോ എന്ന് വെച്ചാൽ ഭാര്യയെ പേടി ഉണ്ടോ?  ഉടനെ തോന്നി വെറും പേടി ആയിരിക്കാൻ വഴിയില്ല - അപ്പോൾ ബിജെപി ആണോ.  എന്ന് വെച്ചാൽ ഭാര്യയെ ജാസ്തി പേടി ആണോ?''

***

''ഒരു കമ്പിയുണ്ട്.'' 

''കമ്പിയോ?  ദൈവമേ....''

മുമ്പ് ടെലെഗ്രം  (കമ്പി) എന്ന് കേട്ടാൽ ഒരു ഉൾക്കിടിലം നാട്ടുകാർക്ക് പൊതുവേ ഉണ്ടായിരുന്നു.  വല്ല ദു:ഖവാർത്തയുമാകുമോ?  ...... എക്സ്പയേട് (?)

കാലം മാറി, കഥ മാറി.

''ഏതാ ഒരു പരിചയം ഇല്ലാത്ത നമ്പർ?''

മുകളിൽ പറഞ്ഞപോലെ അല്ലെങ്കിലും പുരികക്കൊടി വളയ്ക്കാൻ പാകത്തിൽ ഒരു ചോദ്യം ഉള്ളിൽനിന്ന് വരും.  കാരണം, ഒരാളെയും വിശ്വസിക്കാൻ പറ്റാത്ത കാലം.  ആരാണ് വിളിക്കുന്നത്, എന്തിനാണ് വിളിക്കുന്നത് എന്നൊക്കെ ആർക്കറിയാം.    

***

''എടോ, അയാളെ പിണക്കരുത്, മാനേജരുടെ അളിയൻ ആണുകേട്ടോ.  നാളെമേലാൽ മാനേജീരിയൽ പോസ്റ്റിൽ കേറി എന്നിരിക്കും.''

''ഓ, പിന്നേ.  അങ്ങനെ അങ്ങ് പേടിച്ചു ജീവിക്കാൻ പറ്റുമോ?  ആനയെ പേടിക്കണം എന്ന് വെക്കാം.  ആനപ്പിണ്ടത്തെ എന്തിനു പേടിക്കണം?  പോയ്‌ തുലയട്ടെ.  അല്ലാ പിന്നെ.''