തെറ്റുകാർ

Blog Post No: 191 -

തെറ്റുകാർ

(ചിന്തകൾ)

''അവൻ/അവൾ എന്നെക്കാൾ വയസ്സിനു താഴെയല്ലേ?  ഞാൻ ക്ഷമിക്കണമല്ലോ.''

''അവരൊക്കെ എന്നെക്കാൾ വയസ്സിനു മൂത്തവർ. ഞാൻ ക്ഷമിച്ചേ തീരൂ.''

വയസ്സിനു താഴെയാണെങ്കിലും മൂത്തതാണെങ്കിലും ഇങ്ങനെ പറയുന്ന ഒരു വലിയച്ഛൻ എനിക്കുണ്ടായിരുന്നു!  ആ കാരണംകൊണ്ടുതന്നെ അച്ഛന് അദ്ദേഹത്തോട് വല്ലാത്ത സ്നേഹമായിരുന്നു. സ്വന്തം സഹോദരൻ അല്ലെങ്കിലും ഒരു തറവാട്ടംഗം.   ആ വലിയച്ഛന്റെ നിര്യാണത്തിൽ അച്ഛൻ പൊട്ടിക്കരഞ്ഞത് ഓർക്കുന്നു.

ചുരുക്കം  ചിലര്ക്ക് മാത്രം ലഭിക്കുന്ന അനുഗ്രഹമാണ് മുകളിൽ പറഞ്ഞ വലിയച്ഛന്റെത്.

സാധാരണക്കാരിൽ സാധാരണക്കാരായ ഇങ്ങനെയുള്ളവർ ഇക്കാരണംകൊണ്ടുതന്നെ സ്നേഹബഹുമാനങ്ങളാർജ്ജിക്കുന്നു;  സമാധാനത്തോടെ  ജീവിക്കുന്നു, മരിക്കുന്നു! ഈ ജീവിതത്തിൽ വേറെന്താണ് വേണ്ടത്?

ഒന്നുകൂടി - ജന്മനാൽ ഇങ്ങനെയുള്ള നല്ല വശങ്ങൾ  നമ്മളിൽ ഇല്ല എന്ന് വിചാരിക്കുക - ആവുന്നതും ഇതിനായി ശ്രമിക്കുക - അത്രതന്നെ.  ഇതാണ് ജീവിത വിജയം.

സമർപ്പണം:  യശശ്ശരീരനായ  എന്റെ ശേഖരവലിയച്ഛന്.