ഒരു ചായക്കട വിശേഷം

Blog Post No: 194 -

ഒരു ചായക്കട വിശേഷം

വണ്ടി വരാൻ വൈകുന്നല്ലോ 

വയറാണെങ്കിലോ കാലി;

വഴിയുള്ളയാ കടയിൽപ്പോയി

വല്ലതുമകത്താക്കാം.

കടയിൽ കേറി ഇരുന്നപ്പോൾ

കടുക്കനിട്ടയാൾ ചോദിച്ചു:

കടുപ്പത്തിലൊരു ചായ?

കടിക്കാനെന്തെങ്കിലും?

ഇഡ്ഡലിയുണ്ടോ കഴിക്കാൻ? 

ഇല്ലെന്നയാൾ തലയാട്ടുന്നു;

ഇലയട വേണമെങ്കിലിവിടെ

ഇല്ലെന്നാരും പറയില്ല.

രണ്ടട കഴിച്ചുകൊണ്ടവൻ

രസിച്ചുകൊണ്ടിരുന്നപ്പോൾ....

രണ്ടിന് പോകാതെയൊരു

രക്ഷയില്ലെന്നറിയുന്നു!

കയ്യിലുള്ള കാശും കൊടുത്തു

കടിക്കുന്ന പട്ടിയെ വാങ്ങിയോ?

കരയുന്ന മനവുമായവൻ

കടയിൽനിന്നിറങ്ങിപ്പോയി.