കുഞ്ഞുകവിതകൾ - 93

Blog Post No: 362 -

കുഞ്ഞുകവിതകൾ - 93

 

പുഴയും  പൂമരവും

 

തെളിനീർ ഉൾക്കൊണ്ടു 

പുഴ   മന്ദം മന്ദമൊഴുകുന്നു;

പുഴയോരത്തെ പൂമരം

കാറ്റിനെ കൂട്ടുപിടിച്ച്

ചില്ല താഴ്ത്തി പുഴയെ

ഇക്കിളിയിട്ടുകൊണ്ടിരിക്കുന്നു!

അതും പോരാഞ്ഞു അവളിൽ

ഇടയ്ക്കിടെ പുഷ്പവൃഷ്ടിയും!

 

 

വീക്ഷണം

വീക്ഷണമൊന്നാകുമ്പോൾ,

വീക്ഷണങ്ങൾ സമാനമാകുമ്പോൾ,

വീക്ഷിക്കുന്നവരൊരേ തൂവൽപ്പക്ഷികളെപ്പോലെ!

വീക്ഷണങ്ങൾ വിഭിന്നമാകുമ്പോൾ

വീക്ഷിക്കുന്നവരോരോരോ  തൂവൽപ്പക്ഷികളെപ്പോലെയും.

വീക്ഷണം വിഭിന്നമാകുന്നത് സഹജ,മെന്നാൽ

വിമര്ശിക്കാനായി വീക്ഷിക്കുന്നവർ വിഡ്ഢികളും.