കുഞ്ഞുകവിതകൾ - 105

Blog Post No: 398 –

കുഞ്ഞുകവിതകൾ - 105

മനുഷ്യരെന്ന കവർച്ചക്കാർ!

 

പൂക്കളിൽ നിന്ന് തേനീച്ചകൾ മധു കവരുന്നു,

കവർന്നെടുത്തു സംഭരിച്ച മധുവോ, മനുഷ്യർ കവരുന്നു;

 

കിടാവുകൾക്ക് കുടിക്കാനായ് പശുക്കൾ പാൽ ചുരത്തുന്നു,

പശുക്കൾ ചുരത്തിയ പാൽ മനുഷ്യർ കവർന്നെടുക്കുന്നു;

 

ചെമ്മരിയാടുകൾക്ക് ഭംഗിയിൽ രോമം വളരുന്നു,

രോമം കവർന്നു മനുഷ്യർ പുതപ്പുണ്ടാക്കി പുതക്കുന്നു.....

  

 

ഞാനും പ്രകൃതിയും.

 

നടന്നിട്ടുണ്ടു ഞാനൊരുപാടെൻ പാടവരമ്പിലൂടെ

ചന്നം പിന്നം പെയ്യുന്ന മഴയും കുളിരുമാസ്വദിച്ച്!

പച്ചനെൽപാടങ്ങളിലെ നെൽച്ചെടികളൊക്കെത്തന്നെ- 

യപ്പോളാടിക്കളിക്കും, പാടിക്കുളിക്കുമാ മഴയത്ത്!

കാറ്റ് വീശും ശബ്ദത്തോടെ, തവളകൾ കരയും

പ്രകൃതിയിലെ സംഗീതജ്ഞരായ്, താളലയത്തോടെ!

കവിമനമുണർന്നു, കവിതകൾ പാടും ഞാൻ

പ്രകൃതിഭംഗിയുമാസ്വദിച്ചാമാമോദത്തോടെതന്നെ!