കുഞ്ഞുകവിതകൾ - 92

Blog Post No: 351 -

കുഞ്ഞുകവിതകൾ - 92

ചിലർ

ചിലർ വിളിക്കുമ്പോൾ

ചിലരെ കാണുമ്പോൾ 

ചിലരെ വായിക്കുമ്പോൾ

ചിലരെ ഓർക്കുമ്പോൾ

ചിലരെക്കുറിച്ചു കേൾക്കുമ്പോൾ 

ചിലരുമായി സംസാരിക്കുമ്പോൾ

ചിലരുമായി ബന്ധം സ്ഥാപിക്കുമ്പോൾ

ചില്ലറയല്ലാത്ത, നോട്ടുകെട്ടുകൾ 

ചിലവില്ലാതെ കിട്ടിയ സന്തോഷമല്ലെ?!

ചിലർ അങ്ങനെയാകുമ്പോൾ, ആ 

ചിലരെപ്പോലെ നമുക്കുമാവണ്ടേ?

ചിന്തിക്കുക, പ്രവര്ത്തിക്കുക.

*** 

ഗുരുത്വം

അന്ന്:

ശിഷ്യൻ ഗുരുവിനെ

ദൂരെ കണ്ടതും

മുണ്ടിന്റെ മടക്കിക്കുത്തഴിച്ചു 

തൊഴുകയ്യോടെ ചിരിക്കുന്നു.

ഇന്ന്:

ശിഷ്യൻ ഗുരുവിനെ

അടുത്തു കണ്ടിട്ടും

കാണാത്തമട്ടിൽ

വഴി മാറി നടക്കുന്നു