കുഞ്ഞുകവിതകൾ - 90

Blog Post No: 345 -

കുഞ്ഞുകവിതകൾ - 90

 

 

സപ്തം,  സമാധാനം...

 

സപ്താഹപാരായണമവർ ശ്രവിച്ചു,

സപ്തവർണ്ണങ്ങളാൽ മനം തിളങ്ങി;

സപ്തസ്വരങ്ങളും പിന്നെയവർ കേട്ടു,

സപ്തനാഡികൾക്കുണർവേറ്റുവാങ്ങി!

 

 ***

 

 

മലയാളിയുടെ ചമ്മന്തി വിശേഷം  

 

ഊണിന്നൊരു കറിയുമില്ലെന്നിരിക്കിലോ  

ചമ്മന്തിയുണ്ടെങ്കിൽ വലിയ പ്രശ്നമില്ല;

കറികളൊരുപാടുണ്ടെന്നിരിക്കിൽക്കൂടി

ചമ്മന്തിയുമുണ്ടെങ്കിലോ, ഊണ് കേമം!

 

***

 

സ്നേഹം

 

മധുരവും കയ്പ്പുമൊക്കെ

സഹജമാമാമീ ജീവിതത്തിൽ;

മധുരം കയ്ക്കും ചിലപ്പോൾ,

കയ്പ്പോ മധുരിക്കയും!

സ്നേഹം കലരാത്ത  മധുരം

കയ്ച്ചിട്ടിറക്കാനസാധ്യ,മെന്നാൽ

സ്നേഹം ചേർത്ത കയ്പ്പുനീരോ

പാനത്തിനൊരു തടസ്സമല്ലതന്നെ!