കുഞ്ഞുകവിതകൾ - 42

കുഞ്ഞുകവിതകൾ - 42

Blog Post No: 272

നായ കുരക്കുന്നു

ആരോ വരുന്ന ലക്ഷണം

മനുഷ്യനോ അതോ യമനോ*

*നായക്ക് യമനെ കാണാമത്രെ!   

+++

  

അണിനിരന്നു തോൽപ്പാവകൾ തിരശ്ശീലക്കു പിന്നിൽ

അതിനുപിന്നിൽ കീറിയ മുളകളിൽ നിരത്തിയ വിളക്കുകൾ

അവതരിപ്പിക്കുന്നു പുലവർ കമ്പരാമായണം പാവക്കൂത്ത്

+++

പൌത്രനുറങ്ങുന്നത് നോക്കി മുത്തശ്ശി

പുതപ്പു കൊണ്ടുവന്നു പുതപ്പിച്ചു

പൌത്രവാത്സല്യത്താൽ ചൂടുകാലമാണെന്ന് മറന്നു!

+++

പൂജക്കെടുക്കുന്നപൂവ് ചോദിച്ചു                                                 
പൂജക്കെടുക്കാത്ത പൂവിനോട് 
പൂവേ ചൊല്ല് നിൻ പോരായ്മയെന്താ? 

+++

കാക്കയെപ്പോലെ ചിലർ

കുറുക്കനെപ്പോലെ ചിലർ

കാട്ടാനയെപ്പോലെയും ചിലർ!

+++

നീലാകാശവും, വെള്ളിനക്ഷത്രങ്ങളും   

നീലത്തടാകവും, ആമ്പൽപ്പൂക്കളും

നിലാവെളിച്ചത്തിലെന്തൊരു ഭംഗി!