കുഞ്ഞുകവിതകൾ - 104

Blog Post No: 394 –

കുഞ്ഞുകവിതകൾ - 104

ആ ശക്തി!

ശിശുക്കൾ നിഷ്ക്കളങ്കർ

അവരോടു നാം പൊറുക്കണം, സഹിക്കണം

അവരെ വേണ്ടപോൽ സ്നേഹിക്കണം

അപ്പോൾ, അവരുടെ അച്ഛനമ്മമാർക്ക്

സന്തോഷം, നമ്മളോട് സ്നേഹം

ആ അച്ഛനമ്മമാരെ വേറെ

തൃപ്തിപ്പെടുത്തേണ്ടതില്ല.

ഈ അച്ഛനമ്മമാർ പ്രകൃതി / ദൈവം

നാം, നാം തന്നെ

ശിശുക്കളോ, സഹജീവികൾ

സഹജീവികളെ സ്നേഹിക്കുമ്പോൾ

പ്രകൃതിക്ക്  / ദൈവത്തിനു ഇഷ്ടം

പ്രകൃതിയെ / ദൈവത്തിനെ

പ്രീതിപ്പെടുത്താൻ വേറൊന്നും

പ്രത്യേകം വേണമെന്നില്ല

സഹജീവികളിൽ, നമ്മളിൽ

ആ ശക്തി നിറഞ്ഞിരിക്കുന്നു!

പരിഹാരം

ഔഷധങ്ങൾക്ക് വിധേയമാണ്

മിക്ക രോഗങ്ങളെങ്കിലും,

വിധേയമാകാത്തവക്ക്

ശസ്ത്രക്രിയതന്നെ ശരണം;

ശസ്ത്രക്രിയയി,ലൊരവയവമോ

അവയവങ്ങളോ നീക്കപ്പെടാം!

സൗഹൃദത്തിൽ കാണുന്ന

കാര്യങ്ങളുമിതുപോലെ തന്നെ!

തമ്മിലൊതുക്കിത്തീർക്കുവാൻ

സാധ്യമാവുന്നില്ലയെന്നാൽ

ബന്ധം വേർപെടുത്തി,യവർ

പരിഹാരം കാണണമതിന്.

അസുഖം, ശത്രുത - രണ്ടും

ഇല്ലാതാക്കുന്നതാണു ബുദ്ധി.