കുഞ്ഞുകവിതകൾ - 73

Blog Post No: 315

കുഞ്ഞുകവിതകൾ - 73

പ്രകൃതിയും മനസ്സും

കാറ്റിൽ പറക്കുന്നു കരിയിലക്കൂട്ടം

മണ്ണിൽ പൊഴിയുന്നു ആലിപ്പഴങ്ങൾ

വിണ്ണിൽ മുഴങ്ങുന്നു ദുന്ദുഭിനാദം

മനസ്സിൽ തോന്നുന്നു വിവിധവിചാരം

സുഹൃത്ത്

സുഹൃത്തെന്നാലൊരു നല്ല

ഹൃത്തിന്നുടമ,യപ്പോൾ

നല്ല ഹൃദയമെന്നാലോ

തെറ്റുകുറ്റങ്ങൾ ചൂണ്ടി-

ക്കാണിക്കുന്നൊരു തുറന്ന

മനസ്സാണതിനുള്ളിൽ

സ്തുതിപാടകർക്കിടമില്ലവിടെ

പിന്നിൽനിന്ന് കുത്തുന്നവർക്കും  

HAIKU:

(1)

മുന്നിൽ പൂന്തോട്ടം

പിന്നിൽ പച്ചക്കറിത്തോട്ടം

ഇടയിൽ തോട്ടത്തിൽ വീട്

(2)

കിളികളുടെ സംഗീതം

ഇളംകാറ്റിന്റെ തൊട്ടുതലോടൽ

നല്ല ഗ്രാമാന്തരീക്ഷം  

(3)

മലർമണം പടരുന്നു

സുപ്രഭാതം പൊട്ടിവിടരുന്നു

ഇന്ദ്രിയങ്ങൾക്കുണർവ്