തോർത്തുമുണ്ട് എവിടെ?

Blogpost No: 151 - 

തോർത്തുമുണ്ട് എവിടെ? 

(ഒരു കൊച്ചു നർമ്മം)

നാണുമാഷ്‌ എന്നും തിരക്കിലാണ്.  ആൾ ഒരു പരോപകാരി.

എന്നത്തേക്കാളും ധൃതിയിൽ ആണ് അന്ന് മാഷ് വീട്ടിൽനിന്നു ഇറങ്ങിയത്.  ഇറങ്ങുന്നതിനു മുമ്പ് അനിയത്തി ചോദിച്ചു, ''ഏട്ടാ, കുളിച്ചിട്ടു തോർത്തുമുണ്ട് എവിടെ ഇട്ടു?"

''ആ അയയിൽ നോക്ക്.'' മാഷ്‌ ഇറങ്ങിക്കഴിഞ്ഞു.

പുറത്തു പോയി വന്ന മാഷിനോട് തോർത്ത്‌ കണ്ടില്ല എന്ന വിവരം അനിയത്തി പറഞ്ഞു.  ''കിട്ടാതെ എവിടെ പോവാനാ?   ആർക്ക്  വേണം നമ്മുടെ തോർത്ത്‌?''

അതും പറഞ്ഞു, മാഷ്‌ അകത്തുപോയി - മുണ്ട് മാറ്റി, കൈലി ഉടുക്കാൻ.  അപ്പോൾ  മാഷ്‌ ആ സത്യം മനസ്സിലാക്കി - തോർത്തുമുണ്ട് മാറ്റി അടിവസ്ത്രം ഇടാതെ, മുണ്ട് തോർത്തിന് മുകളിൽ തന്നെ ഉടുത്തിട്ടായിരുന്നു ഇന്ന് സര്ക്കീട്ടു പോയത്!  ഓർമ്മത്തെറ്റു തുടങ്ങിയിരിക്കുന്നു. 

മാഷ്‌ പെങ്ങള്ക്ക് തോർത്തുമുണ്ട് കൊടുത്തു.  എന്നിട്ട് പറഞ്ഞു, ''നല്ലോണം നോക്കണ്ടേ?  എന്റെ മുറിയിൽത്തന്നെ ഉണ്ടായിരുന്നു''  കൂട്ടത്തിൽ ഒരു കള്ളച്ചിരിയും പാസ്സാക്കി.