വിശാലമായ ചിന്ത

[ സുഹൃത്തുക്കളോട്:  കമെന്റ്സ് അപ്രൂവലിനു വെക്കുന്നത് സഭ്യമല്ലാത്ത രീതിയിൽ കമെന്റ്സ് ഇടുന്ന - പ്രത്യേകിച്ച് അജ്ഞാതരായ - ''ബുദ്ധിജീവികളെ'' (?) ഒഴിവാക്കാനാണ്. അതിനൊന്നും മറുപടി പറയാൻ സമയമില്ല. ബ്ലോഗ്‌ വായിച്ച്      താങ്കളുടെ  വിലയേറിയ അഭിപ്രായം - എന്തായാലും - രേഖപ്പെടുത്തുക.  ഞാൻ മറുപടി തരും.  നന്ദി. ]

Blog No: 125 - 

വിശാലമായ  ചിന്ത

(മിനി കഥ)

"വയ്ഡ് ആയി ചിന്തിക്കണം ഇക്കാ."

വളരെക്കാലത്തിനു ശേഷം ലീവില്‍ നാട്ടില്‍ വന്ന പരമേശ്വരന്‍, തയ്യല്‍ക്കടക്കാരന്‍ സുലൈമാനോട് സംസാരമദ്ധ്യെ പറഞ്ഞു.

"അതെന്താണ് പരമാ, ഈ വയ്ഡ്? ഞമ്മക്ക് ഒരു പുടീം കിട്ടീല്ലല്ലാ."

ഓ, സുലൈമാന്‍ ഇക്ക തനി നാട്ടിന്‍പുറത്ത്കാരന്‍ ആണ്. സംസാരിക്കുമ്പോള്‍ മനസ്സിലാകുന്ന രീതിയില്‍ പറഞ്ഞില്ലെങ്കില്‍ ഇങ്ങിനെയിരിക്കും.  പരമേശ്വരന്‍ സ്വയം കുറ്റപ്പെടുത്തി.

"അതായത്, ഇക്കാ, എല്ലാവരും അവനവന്റെ ഭാഗത്ത്‌ നിന്നുകൊണ്ട് മാത്രമേ ചിന്തിക്കുന്നുള്ളൂ. അത് മാത്രമല്ലല്ലോ ഈ ലോകം? നമ്മുടെ നാടും നാട്ടുകാരും ഒക്കെ മറ്റുള്ളവരെ കണ്ടു പഠിക്കാനുണ്ട്. അല്‍പ്പം വിശാലമായി ചിന്തിക്കാന്‍ നമുക്ക് സാധിക്കണം ഒരുവിധം എല്ലാ കാര്യങ്ങളും,  എല്ലാവരുടെ കാര്യങ്ങളും കണക്കിലെടുത്തുകൊണ്ട്. അപ്പോള്‍,  അറിയാവുന്നതേയുള്ളൂ.

‘’ഓ, അങ്ങനെ! ഇപ്പൊ, ഞമ്മക്ക് പുടി കിട്ടി.’’