കുഞ്ഞുകവിതകൾ - 43

കുഞ്ഞുകവിതകൾ - 43

Blog Post No: 273

സന്തോഷം 

എരിവെയിലിൽ തണൽ തേടി

പെരുമഴയിൽ അഭയം തേടി

ഇരുളിൽ വെളിച്ചം തേടി

വെളിച്ചത്തിൽ ഇരുൾ തേടി

ദു:ഖത്തിൽ സന്തോഷം തേടി

എന്നാൽ സന്തോഷത്തിൽ

സന്തോഷം മാത്രം തേടുന്നു

മന്നിതിൽ പിറന്ന നാം 

അമ്മയും ഞാനും

.

അമ്മ ചിരിച്ചാൽ

എനിക്ക് ചിരി വരും

അമ്മ കരഞ്ഞാൽ

എനിക്ക് കരച്ചിൽ വരും

അമ്മയും ഞാനും

കമ്പിയില്ലാ കമ്പി!  

+++

മൗനം

മൌനം വിദ്വാനു ഭൂഷണ-

മെന്നൊരു പഴഞ്ചൊല്ല് കേൾക്കുന്നു നാം,

പഴഞ്ചൊല്ലിൽ പതിരില്ലെന്നും!

മൗനമെന്നും ഭൂഷണമെന്ന്

ആരും പറയുമെന്ന് കരുതേണ്ടതില്ല.

മൗനം വിഡ്ഡിത്തമാകുന്ന,

മൗനം  ദുസ്സഹമാകുന്ന,

മൗനം അപകടകരമാകുന്ന

എത്രയോ അവസരങ്ങൾ ചിലർക്ക്

അനുഭവമുണ്ടാമീ മനുഷ്യജീവിതത്തിൽ.