കുഞ്ഞുകവിതകൾ - 36

Blog Post No: 263-

കുഞ്ഞുകവിതകൾ - 36

പൈതൽ

.

പൈതലിൻ മന്ദഹാസം വെട്ടിത്തിളങ്ങുന്നു

പാൽപോലെ പരിപൂർണ്ണ പരിശുദ്ധിയോടെ

പൈതൽ കുടിക്കുന്നതമ്മിഞ്ഞപ്പാലല്ലയോ

പല്ലുകൾ തനി മുല്ലപ്പൂമൊട്ടുകൾ പോലെയും!

.

.

വിലക്കപ്പെടാത്തതും വിലക്കപ്പെട്ടതും

.

വിലക്കപ്പെടാത്തത്തിൽ ശ്രദ്ധ കാണില്ലതന്നെ

വിലക്കപ്പെട്ടവയനുഭവിക്കാനാശ കൂടും

വിലങ്ങുവെച്ചുകൊണ്ടുപോവാനൊരു ഇഷ്ടമില്ല

വിലക്കുകളെന്നിരിക്കിലും  ഭേദിക്കുവാനാശ!

.

.

സഹനം

.

എല്ലാം സഹിക്കുന്നുണ്ട് പാവങ്ങൾ ചിലരിവിടെ

കഥകളിലെ, ചലച്ചിത്രങ്ങളിലെ പാത്രങ്ങളെപ്പോൽ!

പലപ്പോഴും തോന്നും ദൈവമുണ്ടെങ്കിലിങ്ങനെ

വെറുതെയെന്തിനു മനുഷ്യരെ പരീക്ഷിക്കുന്നു

.

.

സജ്ജനം, ദുർജ്ജനം

.

ചിരിപ്പിക്കുന്നു ചിലർ ഉള്ളിൽ കരഞ്ഞുകൊണ്ട്‌

കരയിപ്പിക്കുന്നു ചിലർ ഉള്ളിൽ ചിരിച്ചുകൊണ്ട്

മുഖം മനസ്സിന്റെ കണ്ണാടിയൊന്നുമല്ലവർക്ക്

സജ്ജനവും, ദുര്ജ്ജനവുമാണിവർ യഥാക്രമം