കുഞ്ഞുകവിതകൾ - 37

Blog Post No: 266

കുഞ്ഞുകവിതകൾ - 37

Haiku 

തലയെടുപ്പുള്ള ഗജവീരന്മാർ

തിടമ്പ്,  ആലവട്ടം, വെഞ്ചാമരം, മുത്തുക്കുട

തകർക്കുന്നു ഉത്സവമേളം

+++

വീട്ടുമുറ്റത്ത് കാക്ക കരഞ്ഞു

വിരുന്നുകാർ വന്നു

കാക്ക ചെയ്തൊരു ചെലവ്!

+++

പനിനീർപ്പൂവ് മാടി വിളിച്ചു

പരിമളം തലക്കു പിടിച്ചു

പറിച്ചപ്പോൾ മുള്ള് കൊണ്ടു

+++

 

കോഴി കൂവുന്നു

നേരം പുലർന്നിട്ടേറെയായി

കൂഴി കൂവുന്ന അലാറം!

+++

കാക്ക ഇരുന്നു

പനമ്പഴം വീണു

പനമ്പഴം കാക്കയുടെതേന്ന് !

+++

പല്ലി ഉത്തരത്തിനടിയിൽ

പിടിച്ചു നില്ക്കുന്നു

താനാണ് ഉത്തരം താങ്ങുന്നതെന്ന് പല്ലി!