കുഞ്ഞുകവിതകൾ - 40

കുഞ്ഞുകവിതകൾ - 40

Blog Post No: 270

മനുഷ്യൻ

മനുഷ്യശരീര, മത്യത്ഭുതകരമായൊരു യന്ത്രമല്ലോ

മനുഷ്യമനസ്സോ, അത്യത്ഭുതകര, മനിർവചനീയം

മനുഷ്യൻ മനുഷ്യനെ തിരിച്ചറിയുമ്പോൾ മാത്രം

മനുഷ്യൻ മനുഷ്യനാകുന്നുവെന്ന് ചൊല്ലേണ്ടതില്ല

+++

കാട്

കാട്ടുകിളികളും ചിലച്ചിലുകളും

കാട്ടാനകളും ചിന്നംവിളികളും

കാട്ടാറും കളകളനാദവും

കാടിന്റെ സൌന്ദര്യം, സംഗീതം!

+++

സൗഹൃദം, സാഹോദര്യം......

പരിചയപ്പെട്ടു ഞാനൊരു വനിതാരത്നത്തിനെ

പരിചയം സൗഹൃദത്തിൽ പിന്നെ സാഹോദര്യത്തിലും

പറയുന്നതെന്തും, ഞാനെഴുതുന്നതെന്തും

പരിചയമുള്ളയവളെപ്പറ്റിയാണെന്നവൾക്ക് തോന്നി!

അല്ലെന്നറിയിച്ചപ്പോൾ ''അവളെപ്പറ്റിയും വേണം'',

അവളെന്നോടൂന്നിപ്പറയുന്നുണ്ടീയിടെ

ആയതിൻപ്രകാരമിതിവളെപ്പറ്റിയാണെന്ന് ഞാൻ

ആശങ്കയിലാതെതന്നെയവളോട് ചൊല്ലട്ടെയിപ്പോൾ   

+++

കാത്തിരുപ്പ്

വേഴാമ്പൽ കാത്തിരിക്കുന്നു

പൊന്നാമ്പൽ കാത്തിരിക്കുന്നു

കുഞ്ഞോമന കാത്തിരിക്കുന്നു

പ്രകൃതിയും പ്രകൃതവും

കാത്തിരുപ്പുകൾക്ക്

വഴിയൊരുക്കുന്നു