കുഞ്ഞുകവിതകൾ - 41

കുഞ്ഞുകവിതകൾ - 41

Blog Post No: 271

മഴവില്ല്, .മന്ദാരം.....

ഉത്സവമേകുന്നു കണ്ണിനും കരളിനും

ഉത്കൃഷ്ടം,  പ്രകൃതിദായകം

മാനത്ത് വിരിയുന്ന മഴവില്ലും

മന്നിവിടെ വിരിയുന്ന മന്ദാരവുമൊക്കെ  

+++

ആ മധുവിധുരാവിൽ.....

മണിയറജാലകത്തിലൂടെയതാ കാണുന്നു അവർ

പുഞ്ചിരി തൂകുന്ന, പൂനിലാവ്‌ പെയ്യുന്ന നിശീഥിനി

മാന്ത്രികവലയത്തിലകപ്പെട്ട മനം പോലെയവിടെ

മയിൽപ്പേടകളായ് നടനമാടാനവർക്കു  മോഹം

+++

ഇളക്കം

ആലിലകളിളകിയാടുന്നു

ദേവീക്ഷേത്രനടയിൽ

ഇളക്കത്താലിയുമതുപോലെ

പ്രിയതമയുടെ കഴുത്തിൽ  

+++

അമ്മയും ഞാനും

അമ്മ ചിരിച്ചാൽ

എനിക്ക് ചിരി വരും

അമ്മ കരഞ്ഞാൽ

എനിക്ക് കരച്ചിൽ വരും

അമ്മയും ഞാനും

കമ്പിയില്ലാ കമ്പി!