കുഞ്ഞുകവിതകൾ - 39

കുഞ്ഞുകവിതകൾ - 39

Blog Post No: 268

വിളക്ക്

വീടിന്റെ വിളക്കണയുമ്പോൾ

അഥവാ നാഥൻ/നാഥ മരിക്കുമ്പോൾ

നാം ദു:ഖിക്കുന്നു

നാടിന്റെ വിളക്കണയുമ്പോഴും

നാം ദു:ഖിക്കുന്നു 

വര്ഷങ്ങൾക്ക് മുമ്പ്

നാടിന്റെ വിളക്കണഞ്ഞപ്പോൾ

നാടിന്റെ നേതാവ് നെഹ്‌റു

കവിതാത്മകമായി വിലപിച്ചു -

ദി ലൈറ്റ് ഹാസ്‌ ഗോണ്‍ -

ആ പ്രകാശം പൊലിഞ്ഞു!

നാടിന്റെ  വിളക്കായ

മഹാത്മജി എന്ന വിളക്ക്!

+++

സ്വാതന്ത്ര്യം

മാതാവ്, മാതൃരാജ്യമെന്നീ വാക്കുകളൊക്കവേ

മഹത്വപൂർണ്ണമെന്നു ചൊല്ലാം നിസ്സംശയം

സ്വാതന്ത്ര്യം മാതൃരാജ്യത്തിൻ മക്കൾക്ക്‌

ജന്മാവകാശമെന്നും ചൊല്ലി മഹാത്മാക്കൾ

+++

ചിങ്ങമാസം

കർക്കടകം യാത്രയാകാറായ്

ചിങ്ങത്തിന്റെ വരവായ്

സമൃദ്ധിയുടെ, സന്തോഷത്തിന്റെ ഗന്ധം

ഓണത്തിന്റെ ലഹരി ഓടിയെത്തുന്നു

+++

വാകപ്പൂ മൊട്ടുകൾ

ചുവന്നവാകപ്പൂക്കൾ പൂത്തു നില്ക്കുന്നു

കണ്യാർകളിയുടെ ഓർമ്മകൾ ഓടിയെത്തുന്നു!

കുപ്പായമിടാത്ത ദേഹത്ത്

പൂമൊട്ടുകൾ കൊണ്ടുള്ള ഏറു കൊള്ളലും! :

++

വെളുത്തൻ കാവ്

മൈലാഞ്ചി പടർന്നു പന്തലിച്ചു നില്ക്കുന്നു

കാവിലെ വെളുത്തനു  തലയ്ക്കു മുകളിൽ

കൈകൾ കൂപ്പിപ്പോയ് സ്വയം അറിയാതെ

തറവാടിന്റെ ഐശ്വര്യം തുടങ്ങുന്നു ഇവിടെനിന്ന്