കുഞ്ഞുകവിതകൾ - 63

കുഞ്ഞുകവിതകൾ - 63

Blog Post No: 298

ഉഷാർ,  വേഗത!

അണ്ണാരക്കണ്ണൻ ഓടിക്കളിക്കുന്നു

എന്തൊരു ഉഷാർ, എന്തൊരു വേഗത!

''അണ്ണാരക്കണ്ണനും തന്നാലായത്''

ചെയ്യുമ്പോൾ കാണുന്നവർക്ക് സന്തോഷം.

ബിംബം

ചന്ദ്രബിംബവും സൂര്യബിംബവുമൊക്കെ

കവികൾക്ക് ബിംബങ്ങളാകുമ്പോൾ

കവിതകൾ ഗ്രഹിക്കാനാകാത്തവർക്ക്

ബിംബങ്ങളുടേതുപോലത്തെ നിർവികാരത! 

നോട്ട്:  ബിംബം = ഗോളം, പ്രതീകം, പ്രതിമ. ഇത് മൂന്നും ഞാൻ ഈ കൊച്ചുകവിതയിൽ സാന്ദർഭികമായി ഉദ്ദേശിക്കുന്നു.  വായനക്കാരെ കുറ്റപ്പെടുത്തുകയല്ല.  ചില വായനക്കാർ വായനയുടെ ശരിയായ തലത്തിൽ എത്തുന്നില്ല എന്ന് മാത്രമല്ല, ശരിയല്ലാത്ത രീതിയിൽ ഉള്ള അഭിപ്രായങ്ങളും പല കവിതകളുടെയും (എന്റെ അല്ല) കീഴിൽ എഴുതിക്കാണുന്നു  എന്നതാണ് ഈ കൊച്ചുകവിത എഴുതുവാനുള്ള പ്രചോദനം.  തീര്ച്ചയായും വായിക്കുന്നതിലും, അഭിപ്രായം പറയുന്നതിലും ഉള്ള സന്തോഷവും, വായനക്കാരോടുള്ള നന്ദിയും എനിക്കുണ്ട് എന്ന് എടുത്തുപറയട്ടെ.