കുഞ്ഞുകവിതകൾ - 48

കുഞ്ഞുകവിതകൾ - 48

Blog Post No: 278

ചില്ലകളിലിരുന്നു കിളികൾ ചിലച്ചു

ചില്ലകളിലെ ഇലകളും കാറ്റുതട്ടി ചിലച്ചു

ചിലച്ചിലുകൾ സംഗീതമയം

താരകം കണ്ണുകൾ ചിമ്മി

അനിഷ്ടമായത് കാണാതിരിക്കാനോ

അതോ ഉറക്കം വന്നിട്ടോ

മേഘം കറുത്തു

മടിച്ചു മടിച്ചു നീങ്ങുന്നു

മഴ പെയ്യും   

പപ്പായ പറിച്ചിടൽ

പപ്പായപ്പാൽ ദേഹത്ത്

കുട്ടിക്കാലത്തെ ചെയ്തികൾ

തുളസിത്തറയിൽ തുളസി

മുത്തശ്ശിയുടെ നാമജപം

തറവാടിന്റെ സുഗന്ധം

മാനം  കറുത്തു

മരം കൊതിച്ചു

മഴയുമായ് രമിക്കാൻ