ഒരു കുട്ടിക്കഥയും, നർമ്മവും

Blog post no: 284 - 

ഒരു കുട്ടിക്കഥയും, നർമ്മവും

മുയൽച്ചെവി

(ഒരു കുട്ടിക്കഥ)

മണിയൻ മോന് ഒരു വളർത്തുമുയൽ ഉണ്ടായിരുന്നു.  മുയലിനു ഒരു അസാധാരണമായ കഴിവും - അതിനു മനുഷ്യരുടെ ഭാഷ കേട്ടാൽ അറിയാം!

ഒരു ദിവസം മണിയന്റെ വീട്ടുകാർ ''പ്രസ്തുത ആവശ്യം നിറവേറ്റണമെങ്കിൽ മുയൽച്ചെവി  വേണ''മെന്നു പറയുന്ന അവസാനഭാഗം മുയൽ  കേട്ടു!

അതിനുശേഷം മണിയന്റെ ആ പാവം മുയലിനെ കണ്ടവരില്ല.

മേമ്പൊടി:  വീട്ടുകാർ ദശപുഷ്പത്തെക്കുറിച്ചായിരുന്നു സംസാരിച്ചിരുന്നത്.  മുയൽച്ചെവി അതിൽ ഒരു പുഷ്പവും.

ഫസ്റ്റ് പ്രൈസ്

(ഒരു കൊച്ചുനര്മ്മം)

മോഡേണ്‍ ആർട്ടിനു ഫസ്റ്റ് പ്രൈസ് കിട്ടിയ ചിത്രകാരനോട് ഒരു ആരാധിക:

താങ്കളുടെ ഈ മഹത്തായ ചിത്രത്തിന് പിന്നിലുള്ള പ്രചോദനം?

എന്റെ കറമ്പിപ്പശു.  അവളുടെ വാലിൽ ചായം പിടിപ്പിച്ചു, കടലാസ് കാണിച്ചു. വാല് അങ്ങോട്ടുമിങ്ങോട്ടും ആട്ടിയപ്പോൾ, സെക്കണ്ടുകൾക്കുള്ളിൽ ഈ ചിത്രം തയ്യാറായി.

കടപ്പാട്: ഒരു പഴയ കാർട്ടൂണ്‍