അബദ്ധം പറ്റിയതാണേ...

My Blog No: 141 -

അബദ്ധം  പറ്റിയതാണേ...

(അനുഭവം)

നല്ല തിരക്ക്.  കൂടെ നടന്നിരുന്ന വാമഭാഗം എവിടെ എന്ന് വിചാരിച്ച നിമിഷംതന്നെ അയമ്മയുടെ* കൈ എന്റെതുമായി കോര്ത്തതായി മനസ്സിലായി.  ''കയ്യീത്തന്നെ മുറുക്കിപ്പിടിച്ചോട്ടോ, എന്താരു തെരക്ക്.'' ഇത് കേട്ടതും കൈ കോർത്ത ആൾ പെട്ടെന്ന് കൈ പി ൻ വ ലി ച്ചു.  ഞാൻ തല തിരിച്ചു ശരിക്കൊന്നു നോക്കിയപ്പോൾ ഞെട്ടിപ്പോയി. അത് വേറൊരു മഹിളാമണി   ആയിരുന്നു. തന്റെ ആൾ അല്ല എന്ന് മനസ്സിലായതും പരിഭ്രമിച്ചു കൈ  വിട്ടതാണേ.

ഞാൻ ആലോചിച്ചു - നേരെ മറിച്ചാണ് സംഭവിച്ചതെങ്കിലോ?  എന്റമ്മേ, ഓർക്കാൻ വയ്യ.  അധികം താമസിയാതെതന്നെ, ഒരൽപം മുന്നിൽ  നടക്കുന്ന എന്റെ മഹിളാമണിയെ കണ്ടതും ഞാൻ വിവരം പറഞ്ഞു. ''പാവം, അബദ്ധം പറ്റിയതാണേ'', ഞാൻ കൂട്ടിച്ചേര്ത്തു.  

അതാ വരുന്നു പ്രതികരണം.  അതൊരു ''വടി കൊടുത്തു അടി വാങ്ങൽ'' ആയിപ്പോയി.

''ന്നിട്ടോ, നിങ്ങളും ശരിക്കും കയ്യീപ്പിടിച്ചോ?''

- - -  

*അയമ്മ - ആ അമ്മ (ഒരു പാലക്കാടൻ  പ്രയോഗം)