ആ കവിത

ആ കവിത

(ഗദ്യകവിത)

നീ അയച്ചുതന്ന കവിത കിട്ടി.

അതിമനോഹരമായിരിക്കുന്നു!

ആരോ നിനക്കുവേണ്ടി

എഴുതിയപോലെ, അല്ലേ?  

അതുകൊണ്ടാണ് അത് നീ

വായിച്ചശേഷം എനിക്ക്

തന്നത് എന്ന് മനസ്സിലായി –

ഒരു സന്ദേശകാവ്യം പോലെ,

തികച്ചും നീ എഴുതിയപോലെ -

ഞാന്‍ അത് വായിക്കാന്‍

ആഗ്രഹിച്ചപോലെ!!!

കവിതയില്‍ എഴുതിയതൊന്നും

ഇവിടെ ആവര്‍ത്തിക്കുന്നില്ല.

ഒരു വ്യാഖ്യാനത്തിന്റെ

ആവശ്യകതയും ഇല്ല –

എനിക്ക് ഒരുപാട് ഇഷ്ടമായി.

ആ കവിത ഞാന്‍ നെഞ്ചിനോട്

ചേര്‍ത്ത് പിടിക്കുന്നു -

എന്റെ പ്രണയിനീ, നിന്നെപ്പോലെ.

നിന്റെ മനസ്സ്, ആ കവിതയിലെ

വരികള്‍ പോലെ സുന്ദരമാണ്.

അതോ മറിച്ചോ? നീ തന്നെ

ഒരു മനോഹരകാവ്യമല്ലേ?

ഏതായാലും, എനിക്കുവേണ്ടി –

അല്ല, നമുക്കുവേണ്ടി ആ കവിത

രചിച്ച കവിയെ/കവയിത്രിയെ

നമുക്ക് നമിക്കാം, നന്ദി പറയാം.