ഭാരം

ഭാരം

നിന്നെക്കാണാഞ്ഞെൻ മനസ്സിന്നു

ഭാരമേറിയല്ലോയെൻ പ്രിയസഖീ,

മാനസത്തിൻ ഭാരമേറിയപ്പോൾ

ശരീരഭാരമോ കുറഞ്ഞും പോയ്!

മനസ്സും ശരീരവുമിങ്ങിനെയീ

നില തുടരുന്നുവെന്നാകിലോ,

ഞാനിവിടെയീ ഭൂമിക്കുതന്നെ-

യൊരു ഭാരമായ് ഭവിച്ചിടും!

ഭാരിച്ച ചുമതലകളെനിക്കു-

ണ്ടെന്നാകിലും പ്രിയസഖീ,

ഞാൻ നിനക്കും നീയെനിക്കും

ഭാരമാവില്ലെന്നു ധരിക്ക നീ.

മാനസത്തിൻ ഭാരം കുറയ്ക്കാൻ,

ശരീരഭാരം കുറയാതിരിക്കാ,ന-

നന്യർക്ക് ഭാരമാവാതിരിക്കാൻ,

ചാരത്തണയുക നീ വൈകാതെ.