മാളൂട്ടിയുടെ മ്യാമന്മാരും റമ്മിയും (ഏകാങ്ക നാടകം)

മാളൂട്ടിയുടെ മ്യാമന്മാരും റമ്മിയും

[ കുസൃതി മാളു - VII: ഒരു കൊച്ചു (കൊച്ചിന്റെ) ഏകാങ്ക നാടകം ]




പ്രധാന കഥാപാത്രങ്ങള്‍:

മാളൂട്ടി

മുത്തച്ഛന്‍

***

(യവനിക ഉയരുമ്പോള്‍, മുത്തച്ഛന്‍ മാളൂട്ടിയെ പ്രതീക്ഷിച്ചുകൊണ്ട് കസേരയില്‍ ഇരിക്കുന്നത് കാണുന്നു. അല്‍പ്പ സമയത്തിനുള്ളില്‍ മാളൂട്ടി സ്കൂള്‍ യുനിഫോര്മില്‍, അമ്മയുമായി പ്രവേശിക്കുന്നു. മാളൂട്ടിയുടെ അമ്മ അകത്തേക്ക് പോകുന്നു.)

മാളൂട്ടി: മുറ്റച്ഛാ ((

(ഓടിവന്നു കെട്ടിപ്പിടിച്ചു ഉമ്മ കൊടുക്കുന്നു. 

മുത്തച്ഛന്‍: (മടിയില്‍ ഇരുത്തിക്കൊണ്ട്): മാളൂട്ടീ, സ്കൂള്‍ വിട്ട്വോ? ഇന്ന് എന്തൊക്കെ പഠിച്ചു, കേക്കട്ടെ?

മാളൂട്ടി: ABCD

മുത്തച്ഛന്‍::: ഹാവൂ, ഈ ABCD പഠിക്കാന്‍ തൊടങ്ങീട്ട് കാലം കുറെ ആയല്ലോ.

മാളൂട്ടി: പിന്നെ, എ ഫോര്‍ ആപ്പിള്‍.

മുത്തച്ഛന്‍:: ശരി. ന്നാ കേക്കട്ടെ.

മാളൂട്ടി: (A ഫോര്‍ ആപ്പിള്‍, B ഫോര്‍...... Z വരെ പറയുന്നു.) ഇനീണ്ട്.

മുത്തച്ഛന്‍: ഇനീണ്ടോ? ശരി നോക്കട്ടെ.

മാളൂട്ടി: (മുത്തച്ഛന്റെ മടിയില്‍നിന്നു ഇറങ്ങി, അടുത്തുള്ള സോഫയില്‍ ഇരിക്കുന്നു. പിന്നെ, സാവധാനം പറഞ്ഞു തുടങ്ങുന്നു.)

A for അഭിമാമ (Abhilash)
B for ബിനുമാമ (Binu)
C for ചന്തുമാമ (Chanthu)
D for ദിനേശ്മാമ (Dinesh)
E for എച്ചുമാമ (Lakshman)
F for ഫല്ഗുമാമ (Falgunan)
G for ഗോപിമാമ (Gopinath)
H for ഹരിമാമ (Hareendran)
I for ഇന്ദുമാമ (Induchoodan)
J for ജോണിമാമ (Johny)
K for കാദര്മാമ (Khader)
L for ലോറെന്‍സ്മാമ (Lawrence)
M for മണിമാമ (Maniyan)
N for നാണുമാമ (Narayanan)
O for ഓമനമാമ (Omanakuttan)
P for പരമുമാമ (Parameswaran)

(മാളൂട്ടി ഒന്ന് നിര്‍ത്തി.

മുത്തച്ഛന്‍: (ചിരിച്ചുകൊണ്ട്) കഴിഞ്ഞോ? ഇനീണ്ടല്ലോ?

മാളൂട്ടി: ഇല്യാ, ഇനീണ്ട്. പിന്നെ (ആലോചിക്കുന്നു)

Q for കാസ്സിംമാമ (Quassim)
R for രവിമാമ (Ravindran)
S for സുകുമാമ (Sukumar)
T for തോമസ്മാമ (തോമസ്‌)
U for ഉസ്മാന്‍ മാമ (Usman)
V for വാരിമാമ (Varijakshan)
W for വില്യംസ്മാമ (Williams)
X for സേവിയര്മാമ (Xaviour)
Y for യൂനിസ്മാമ (Younis)
Z for സകീര്‍മാമ (Zakir)

(മുത്തച്ഛന്‍: (ചിരിച്ചുകൊണ്ട്) മിടുക്കി. സൊസയിറ്റിയിലുള്ളവരുടീം, അമ്മടീം അച്ചന്റീം ഒക്കെ പരിചയക്കാര്‍ ണ്ടല്ലോ. 26 അക്ഷരങ്ങളെള്ളൂ എന്നതോണ്ട്‌ ഇത്രേള്ളൂ, അല്ലെങ്കി കാണായിരുന്നു - കലാഭവന്‍ മണി പറഞ്ഞപോലെ മ്യാമന്മാരുടെ എണ്ണം.

(മുത്തച്ഛന്‍ പറഞ്ഞത് മനസ്സിലായാലും ഇല്ലെങ്കിലും മാളൂട്ടിയും ചിരിച്ചു.)

മാളൂട്ടി: ഇനി, വന്‍, ടു, ത്രീ.

മുത്തച്ഛന്‍: ആയിക്കോട്ടെ.

മാളൂട്ടി: (വണ്‍ മുതല്‍ ടെന്‍ വരെ പറയുന്നു.)

മുത്തച്ഛന്‍:: പിന്നെ, കാരി ഓണ്‍.

മാളൂട്ടി: (ചിരിച്ചുകൊണ്ട്, പെട്ടെന്ന്) ജാക്ക്, ക്വീന്‍, കിംഗ്‌, ആശ്

(മുത്തച്ഛന്‍: (ചിരി ഒതുക്കാന്‍ പാടുപെട്ടുകൊണ്ട്‌ കയ്യോങ്ങുന്നു.) ഓടിക്കോ ഇവ്ട്ന്ന്, മൊട്ടച്ചീ.

(മാളൂട്ടി പൊട്ടിച്ചിരിച്ചുകൊണ്ട് അകത്തേക്ക് ഓടുന്നു.)

(യവനിക)