അവനും പ്രിയസഖിയും, പിന്നെ അഭിനവ യക്ഷിയും (മിനികഥ)

അവനും പ്രിയസഖിയും, പിന്നെ അഭിനവയക്ഷിയും

(മിനികഥ)

 

''എന്റടുത്തു വന്നില്ലെങ്കില്‍, എന്താ വേണ്ടത് എന്ന് എനിക്കറിയാം'' - യക്ഷി.

''ഭീഷണിയാണോ?'' - അവന്‍.

''അല്ലാതെ?'' - യക്ഷി.

അവന്‍ വല്ലാതെ വിയര്‍ത്തു.

''ശരി, പിന്നെ കാണാം'', അവന്‍ അങ്ങിനെ പറഞ്ഞു രക്ഷപ്പെട്ടു.  പിന്നീട് തിരിഞ്ഞു നോക്കിയില്ല.

യക്ഷി പറഞ്ഞപോലെത്തന്നെ ചെയ്തു.  അവനെ മാന്ത്രിക വലയത്തിലകപ്പെടുത്തി ഉണ്ടായതെല്ലാം പൊടിപ്പും തൊങ്ങലും ചേര്‍ത്ത് അവന്റെ പ്രിയസഖിയോടു, അവളുടെ കൂട്ടുകാരിയോട് പറഞ്ഞു.   യക്ഷി പറഞ്ഞതെല്ലാം സഖി വിശ്വസിച്ചു.  വാസ്തവത്തില്‍, ആ യക്ഷി കൂട്ടുകാരിയെ ചതിച്ചതോടൊപ്പം, പാവം അവന്റെ സഖിയുമായുള്ള അടുപ്പവും  - അവന്റെ ആദ്യപ്രേമവും കടപുഴങ്ങി നിലംപതിച്ചു. 

അവനു  തോന്നി - ഇനി ഒരിക്കലും ഒരു മഹിളയുമായും ഒരു ബന്ധവും വേണ്ട; എല്ലാം പുരുഷവര്‍ഗ്ഗത്തിന്റെ പ്രാണനെടുക്കുന്ന സ്ത്രീ വര്‍ഗ്ഗം!   

എങ്കിലും, അവന്റെ ഉള്ളില്‍ന്റെയുള്ളില്‍ ആശയുടെ നേരിയ കിരണം - തന്റെ സഖിക്കു തന്നെ അങ്ങിനെ മറക്കാന്‍ ആവുമോ....

യക്ഷിയുടെ ചിത്രത്തിന് ഗൂഗിളിനോട് കടപ്പാട്.