കുഞ്ഞുകവിതകൾ - 75

Blog Post No: 317

കുഞ്ഞുകവിതകൾ - 75

മഴയും മണ്ണും

മഴത്തുള്ളികൾ

മണ്ണിൽ പതിക്കുന്നു.

മഴയതാഗ്രഹിക്കുന്നുവോ?

അതോ മണ്ണോ?

അല്ലല്ലോ, രണ്ടും!

അത് സംഭവിക്കുന്നു;

സംഭവിച്ചുകൊണ്ടേയിരിക്കുന്നു -

യുഗയുഗങ്ങളായി.

പ്രകൃതിനിയമം! 

കന്യക

കന്യകയല്ലവൾ മറ്റുള്ളവർകണ്ണിൽ

കാമവെറിയന്നിരയായതുമൂലമാമത്!

ശാരീരികമായതു സംഭവിച്ചെന്നാലോ

ശാരീരികമായവൾ കന്യകയല്ലെന്നത്രേ!

പാവമാവളെയെന്തിന്നു പഴിക്കുന്നു

പാപിയാമൊരാൾ ചെയ്ത കുറ്റകൃത്യത്തിന്ന്?  

ഉണരണം നന്മ മനസ്സിലുള്ളോരെല്ലാംതന്നെ

ഉറക്കെപ്പറയണമവൾ ''കന്യക''തന്നെയെന്ന്.