കുഞ്ഞുകവിതകൾ - 76

Blog Post No: 319

കുഞ്ഞുകവിതകൾ - 76

ഇലമരം

മറുനാട്ടിൽ ജനിച്ചുവളരുന്ന

കുഞ്ഞുമോൾ നാട്ടിൽ വന്നപ്പോൾ

അച്ഛനോട് ചോദിച്ചു,

''ഈ ഇലമരം എന്തിന്റെയാ?''

അച്ഛൻ  മറുപടി പറയുംമുമ്പ്

വാഴയിലകൾ അതുകേട്ട്

കുണുങ്ങിച്ചിരിച്ചു!

പൂക്കളും മനുഷ്യരും

പനിനീർപ്പൂവിൻ സുഗന്ധം

പടരുന്നു പരിസരങ്ങളിൽ

പരോപകാരിയിൻ നന്മ

പരക്കുന്നു നാടുനീളെ

പൂക്കൾതൻ പേരുകൾ വിളിക്കുന്നു

പെണ്‍കുഞ്ഞുങ്ങളെ മാതാപിതാക്കൾ

പൂക്കളിൻ ഗുണമീ കുഞ്ഞുങ്ങളിൽ

പ്രതീക്ഷിക്കുന്നു സ്നേഹപൂർവ്വം

പൂക്കൾ വേണം പലകാര്യങ്ങൾക്കായ്

പൂക്കൾ ജീവിതത്തിൻ ഭാഗമത്രേ

പൂക്കളില്ലാത്ത അവസ്ഥയോർത്താൽ

പലകാര്യങ്ങളും വേണ്ടെന്നുവെക്കും!