കടലും കാമുകനും

Blog post No: 168 -

കടലും കാമുകനും

(മിനിക്കഥ)

കടൽപോലെ സ്നേഹമുണ്ടെന്ന് പറഞ്ഞു ചിരിച്ചു, യാത്രപറഞ്ഞു പോയി അവൾ.  അവനോ, ആശയക്കുഴപ്പത്തിലുമായി.  ആദ്യം നേർവഴിക്കു ചിന്തിക്കട്ടെ - കടൽവെള്ളം പോലെ വറ്റാത്ത സ്നേഹം?  ഭൂമിയുടെ സിംഹഭാഗത്തെപ്പൊലെ കൂടുതലായ കടൽപോലെ കൂടുതലായ സ്നേഹം?  ആരോ പറഞ്ഞു സ്നേഹമെന്നത് ഉപ്പിട്ട കഞ്ഞിപോലെ സ്വാദേറിയതാണെന്ന്.  അപ്പോൾ,  ഉപ്പുവെള്ളം നിറഞ്ഞ കടൽപോലെ?  ഇനി മറിച്ചൊന്നു ചിന്തിച്ചുനോക്കട്ടെ - കടലിൽ കായം കലക്കിയപോലെ?  കടൽപോലെ എത്തും  പിടിയുമില്ലാതെ?  അതോ, കടൽപോലെ അടിയൊഴുക്കുള്ള?  മഹിളാമണീ, എനിക്കല്പം ബുദ്ധി കുറവാണേ. നീ തെളിച്ചു  പറ - ഈ കടലിനെ കൂട്ടുപിടിക്കാതെ, അല്ലെങ്കിൽ കടലല്ല, മെഴുകുപോലെ ഉരുകും ഞാൻ.