ദൈവവും പിശാചും

Blog Post No: 167 - 

ദൈവവും പിശാചും

(ഗദ്യകവിത)

ഒരു വ്യക്തി, ആ വ്യക്തി മാത്രം;

വേറൊരു വ്യക്തി ആവില്ലതന്നെ.

ഈ പ്രപഞ്ചത്തിൽ ആ വ്യക്തിക്ക്

തുല്യം ആ വ്യക്തി മാത്രം!

ഇത് പ്രകൃതി നിയമം -

അഥവാ ഈശ്വരേശ്ച.

അയാളുടെ ശരീരപ്രകൃതം,

ഇഷ്ടാനിഷ്ടങ്ങൾ, വികാരവിചാരങ്ങൾ,

പെരുമാറ്റം എല്ലാമെല്ലാം അയാൾക്ക്‌ സ്വന്തം!

എന്നാൽ, ഒന്ന് മാത്രം

പൊതുവായി കാണുന്നു -

ശരിയും തെറ്റും - അഥവാ

ഹൃദയത്തിൽ ദൈവവും പിശാചും.

ഇത് രണ്ടും അയാളിലുണ്ട്,

വേറൊരാളിലുണ്ട്,

വേറെ എല്ലാവരിലുമുണ്ട്!

ഇനി, ദൈവത്തിന്റെ മക്കൾ

പിശാചിനെ അനുസരിക്കരുത്

കാരണം, പിശാചിന്റെ മക്കൾപോലും

ഇന്നല്ലെങ്കിൽ നാളെ

ഇപ്പോഴല്ലെങ്കിൽ ഇനിയൊരിക്കൽ

ദൈവത്തെ  അനുസരിക്കും!

ആരാണ് ദൈവം, ആരാണ് പിശാചു് ?

ശരി, നന്മ, സ്നേഹമിതൊക്കെ ദൈവം

അതിന് വിപരീതം പിശാചു്   

നല്ല കാര്യങ്ങൾ ചിന്തിക്കുക, പ്രവര്ത്തിക്കുക

ദൈവത്തിന്റെ കൈകളിലുറങ്ങുക