ലോലഹൃദയൻ

Blog post No: 162 -

ലോലഹൃദയൻ

(ഗദ്യകവിത)

അയാൾ ഒരു ലോലഹൃദയനായിരുന്നു.

ആരോടും സ്നേഹം നിറഞ്ഞ, ബഹുമാനം നിറഞ്ഞ ഹൃദയത്തിന്റെ ഉടമ.

ആരെയും പിണക്കാൻ ആഗ്രഹിക്കാത്ത ശുദ്ധഹൃദയൻ.

അഭിപ്രായവ്യത്യാസങ്ങൾ ഉള്ളപ്പോൾ ശക്തമായി പ്രതികരിച്ചു പ്രശ്നങ്ങളുണ്ടാക്കിയില്ല.

അതേ സമയം, മറ്റുള്ളവർ ശക്തമായി പ്രതികരിച്ചു സംതൃപ്തരായി.

അയാൾ അഭിപ്രായവ്യത്യാസം, നീരസം, വിഷമം.... എല്ലാം എല്ലാംതന്നെ ഹൃദയത്തിൽ ഒതുക്കി.

ആരെയും ബുദ്ധിമുട്ടിച്ചില്ല - വാക്കുകൊണ്ടോ, പ്രവർത്തി കൊണ്ടോ.

അങ്ങനെ, ആ ഹൃദയം താങ്ങാനാവാത്ത വിധം ഭാരം ചുമന്നു. 

അപ്പോൾ... ഒരിക്കൽ....ആ ലോലഹൃദയം ഭാരം താങ്ങാനാകാതെ... പൊട്ടിപ്പോയി. 

ആ ലോലഹൃദയൻ അകാലത്തിൽ യാത്രയായി -

ആരെയും ബുദ്ധിമുട്ടിക്കാതെ, പുഞ്ചിരിച്ചുകൊണ്ട്, ഉറക്കത്തിൽ....

ആരോടും ഒന്നും പറയാതെ, പരിഭവിക്കാതെ....

അനന്തമായ, അജ്ഞാതമായ വേറൊരൊരു ലോകത്തേക്ക്...