കുഞ്ഞുകവിതകൾ - 65

Blog Post No: 302

കുഞ്ഞുകവിതകൾ - 65

തെറ്റിദ്ധാരണ

തെറ്റിദ്ധാരണയെന്നത് സ്വാഭാവിക-

മതു നീങ്ങണം, നീക്കിയെടുക്കണം;

തെറ്റിദ്ധരിപ്പിക്കാൻ, തരികിടയൊപ്പിച്ചു

സത്യം മൂടിവെക്കാനുത്സാഹമരുതൊട്ടും;

ഒരു കാര്യമെന്നുമോർക്കണം നാം -

പഴഞ്ചൊല്ലിൽ പറയുമ്പോ,ലെണ്ണയും

സത്യവും മുകളിലേക്കുയർന്നെത്തുമെന്നും!

പ്രണയo

പൊന്നാമ്പൽ പ്രണയിക്കുന്നു ചന്ദ്രനെ,

പൊൻതാമര പ്രണയിക്കുന്നു  സൂര്യനെ,

പ്രണയസാഫല്യത്തിനായാപ്പൂവുകൾ

പ്രതീക്ഷിക്കട്ടെയാ പൊൻകിരണങ്ങളെ.  

ചിത്രം

ചിത്രത്തിലെ മുഖകമലമതിമനോഹരം 
ചിത്രകാരൻതൻ തൂലികാ സ്പർശനത്താൽ; 
ചിത്രകാർക്കെന്നും പ്രചോദനംതന്നെ
ചിത്രത്തിന്നനുയോജ്യമാം വദനാംബുജം.