മലരും മനുഷ്യനും

മലരും മനുഷ്യനും

(ഗദ്യകവിത/ചിന്തകൾ)

ഭംഗിയുള്ള പൂക്കൾ എല്ലാവരും ഇഷ്ടപ്പെടുന്നു;

സൗന്ദര്യമുള്ളവരെ മറ്റുള്ളവർ ഇഷ്ടപ്പെടുന്നു.

മണമുള്ള പൂക്കൾ എല്ലാവരും ഇഷ്ടപ്പെടുന്നു;

സ്വഭാവഗുണമുള്ളവരെ മറ്റുള്ളവർ ഇഷ്ടപ്പെടുന്നു.

മലരിനും മനുഷ്യനും ഭംഗി നല്ലതുതന്നെ.

എന്നാൽ, ആ ഭംഗിയോടൊപ്പം  യാഥാക്രമം മണവും

സ്വഭാവഗുണവും ഉണ്ടെങ്കിലേ അതിൽ കാര്യമുള്ളൂ.

അഥവാ, മണമില്ലാത്തതോ, ദുർഗന്ധമുള്ളതോ ആയ

പൂക്കളും, സല്സ്വഭാവികളല്ലാത്ത മനുഷ്യരും

ഇഷ്ടപ്പെടാത്തവയും, ഇഷ്ടപ്പെടാത്തവരുമത്രേ.

പൂവിനോട് സൗരഭ്യമുതിർക്കാൻ  പറയാൻ പറ്റില്ല 

അതിന്റെ മണം അതിന്റെ കഴിവുകൊണ്ടല്ല;

മനുഷ്യനാകട്ടെ, വിവേകബുദ്ധിയുള്ള ജീവിയാണ്,

സ്വഭാവഗുണമെന്ന കഴിവ് കാണിക്കുകതന്നെ വേണം.