സമയം

B L O G   P O S T   No: 350 -

സമയം

‘’Time and tide wait for none.’’ 

അതെ,  തിരമാലയും സമയവും ആര്ക്കുവേണ്ടിയും കാത്തുനില്ക്കില്ല.

ഈ നിമിഷം ഇനി ഒരിക്കലും തിരിച്ചുവരില്ല.  ഇപ്പോൾ ചെയ്യേണ്ടത് ഇപ്പോൾ ചെയ്തെ പറ്റൂ.

വര്ഷങ്ങള്ക്ക് മുമ്പ് ഞാൻ ബോംബെ ആംബുലൻസ് കോളേജിൽ   First Aid പഠിക്കുമ്പോൾ -

ശനിയും, ഞായറും കൃത്യം നാല് മണിക്കുള്ളിൽ ക്ലാസ്സിൽ എത്തിയിരിക്കണം.  കൃത്യം നാല് മണിക്ക് വാതിൽ അടയും.  കൃത്യനിഷ്ഠ (കാരണം എന്തോ ആകട്ടെ - ബോംബെ നഗരത്തെ സംബന്ധിച്ചിടത്തോളം, മിക്കവാറും എന്നും ട്രെയിൻ വൈകും) ഇല്ലാത്ത ആൾക്ക് ക്ലാസ്സിൽ കയറാൻ യോഗ്യത ഇല്ല!  കാരണം,  മനുഷ്യജീവൻ കയ്യിലെടുത്തുള്ള കാര്യമാണ് വൈദ്യപഠനം - പ്രത്യേകിച്ച് പ്രഥമ ശുശ്രൂഷ.  അപ്പോൾ അത് കൊടുക്കേണ്ട ആൾ സമയത്തിനു വില കൊടുക്കുന്നില്ല എങ്കിൽ ക്ലാസ്സിനു പുറത്ത്.  ഈ വിഷയം,  ഞാൻ എന്റെ വര്ഷങ്ങള്ക്ക് മുമ്പ് പ്രസിദ്ധീകരിച്ച Natural Mental Health by Words of Wisdom, Maxims etc. എന്ന പുസ്തകത്തിൽ   എഴുതിയിട്ടുണ്ട്.  

സമയം ഇല്ല എന്ന് പറയുന്നവർ രണ്ട്  തരക്കാർ ആണ് - ഒന്ന്, ശരിക്കും സമയം ഇല്ലാത്തവർ തന്നെ; രണ്ട്  - വെറുതെ ഒഴിവുകഴിവ് പറയുന്നവർ.  ഒരു പറച്ചിൽ ഉണ്ട് - തിരക്കുള്ള ഒരാളെ ഒരു കാര്യം ഏൽപ്പിച്ചാൽ, അത് വൈകിയാലും അയാള് ചെയ്തിരിക്കും.  രണ്ടാമത്തെ വകുപ്പിൽപ്പെട്ട ആളുടെ കാര്യം പറയേണ്ടല്ലോ.

Time Management എന്നൊരു short-term course ഉണ്ട്.  ഉടനെ നെയ്യേണ്ട കാര്യങ്ങൾ മുൻ‌തൂക്കം കൊടുത്തു എല്ലാ ജോലികളും ചെയ്യുക - അത്ര തന്നെ.

അതെ, നമ്മുടെ സമയം നമ്മുടെതാണ്‌.  നാം വേണ്ട സമയത്ത് വേണ്ടപോലെ ചെയ്തില്ല എങ്കിൽ...... ഇനി ഒരിക്കിലും ചെയ്യാൻ സാധിക്കില്ല, ആ സമയം തിരിച്ചു വരില്ല. 

അങ്ങനെ, ജീവിതത്തിൽ സമയത്തിനുള്ള സ്ഥാനം വളരെ വളരെ വിലപ്പെട്ടതാണ്‌.

ചിത്രം - കടപ്പാട്:  ഗൂഗിൾ

[ എന്റെ 350 )മത്തെ Blog post. ]